PYAREY NABI (Sallallahu alaihi wa sallam) Part 1

🔶      ﷽      🔶
💐    (0468)     💐
💌💌💌💌💌
03- R.Awwal - 1438
03-December-2016
💌💌💌💌💌
💜 PYAREY 💜
💝   NABI.   💝
(Sallallahu alaihi wa sallam)
💌💌💌💌💌
🌻Msg-no-01🌻
💌💌💌💌💌
Hamarey pyarey Nabi Hazrat Muhammad Sallallahu alaihi wa sallam ki mubarak paidaish Makkah Mukarramah me maah e Rabiul Awwal mutabiq maah e April 571 Iswi ke din aisey maahol me huee ke puri duniya par kufr w shirk ka andhera chhaya huwa tha
Aur insaaniyat gumraahi me bhatak rahi thi,
Goya ruhaani tor par har taraf andhera pheila huwa tha,
Aur jo Allah har roz chaand suraj aur sitaron ke zariye saarey aalam ko roshan karta tha,
Aaj uus ne insaano ke taarik w bojhal dilon ko apni ibaadat w bandagi ki roshni ataa karney ke liye apney pyarey bandey Hazrat Muhammad Sallallahu alaihi wa sallam ko hidayat ka aaftab banaa kar saiyyedah Aamenah ke ghar paida farmaya
Paidaish ke baad dada Abdul Muttalib ne 'Muhammad' naam rakha,
Ye naam Arab me bilkul anokha tha,
Logon ne Abdul Muttalib se apney potey ka naya naam rakhney ki wajah maalum ki,
Toa uunho ne kaha ke merey potey ki puri duniya me taarif ki jaegi,
isliye mainey ye naam rakha he,
Phir Aap Sallallahu alaihi wa sallam ki paidaish ki khushi me Abdul Muttalib ne aqiqah kiya aur tamaam Qureish ko daawat di.
🔹🔹🔹🔹🔹
ISLAMI TARIKH
💝💝💝💝💝
DUSRON KO FWD KARNEY KI GUZARISH
♦🌷♦
(169)